رايح وطي

تــوّ ماجيـتـي وخلّيـتـي العـاشـق وطــي
كيـف لـو ترخيـن عـن نــور خــدّك برقـعـه

والله انّ الـزيـن غـيـرك ولــو زان خْـرطــي
لـو كبـر مثـل اربـعـه نقّـصـوا منـهـا اربـعـه

ياهنـوف الــروح مـمـا عـطـاك الله عـطـي
عاشـق كـل مابغـى يذكـر اسمـه ضيّـعـه

احـمـر التـفّـاح والا مــن الحـلـو اصفـطـي
لمخطوف من عظم فرحتـه عـضّ اصبعـه

واقلطي في مجلس الصدر يا بنت اقلطي
لعنبو من لا فرش لـك مـن الصـدر اضلعـه

وفي بساط مـن حنايـا ضلوعـي بسّطـي
مجلـس مـا نجتمـع بـه لابـو مــن جمّـعـه

ونشّطـي روحـي بذايـب أنيـنـك نشّـطـي
قالـوا ان الميـت يحيـى عقـب مـا يسمعـه

ورقّصيني فوق خصرك وهـدي وامغطـي
ويـش فيهـا لالتـوى والتـوى قلـبـي مـعـه

واعصري لي من قراح الشفايف واخلطي
زنـجـبـيـل سلـسـبـيـل عـلـيــل مـنـبـعــه

واكتبينـي كلمـة فـي ثمـانـك واشخـطـي
وكان جرحـي مابـرى عقبهـا وش ينفعـه؟

مابغيـت آصـدّق انّـي مـعـك رايــح وطــي ليـن شفـت العيـن ترسمـك ظـلّ وتتبـعـه