بمشي على درب له الناس يســــــــــعون
واصد عن درب الدجي والعتــــــــــــامة
وبقصر اليسرة عن الضيم والهــــــــون
وطلق يميني للصخا والكرامــــــــــــــة
وبحترم نفسي وانا شخص ممـــــــنون
ومن يحترم نفسة وجوب احترامـــــــه
ماني من اللي في ذرى الحيط يمشـون
ولامن اللي معتلي في مقامــــــــــــــه
متواضع وأمشي على الحق بالهــون
متوسط المعرفة والشهامـــــــــــــــة
ولي مجلس دايم له الناس يلـــــــفون
شرعت بابه والدلال العلامــــــــــه
مايفتح الا فيه الاجواد يدــــــــــنون
ويالله عسى اللي يقرب للسلامــــه
هذا طريقي وكثر الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
واهل المصالح لو على يوم يبنون
في يوم ثاني يرغبون الهدامه
واهل الحكي لو لك عن الناس يحكون
بيجيك يوم ويقصدك في كلامه
لاصار سيفة لاقرب الناس مسنون
يضرب رفيقة وان اقوى في عضامه
ناس مع الكلمة يروحون ويجون
بس المصيبة يدعون الفهامه
ولانيب ديان ولانيب مديون
ولا بغيت من الهروج الملامه
ولاطلبت من المخاليق يبكون
ولا بغيت من الحزين ابتسامه
بمشي بدربي واترك الناس يمشون
كلن على كيفه رقى كل هامه
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون
بعطيك ضني يارفيق الندامه
موضوع: حامد زيد :اقرب الناس 
